कराड येथील तसावडे येथील एमआयडीसीमध्ये एका कंपनीत तब्बल सहा कोटींचे कोकेन पोलिसांनी छापा टाकत जप्त केले आहे. याप्रकरणी पोलिसांकडून कसून तपास सुरू असून यामध्ये पाच संशयीतांना पोलिसांनी बेड्या ठोकल्या आहेत. तासवडे एमआयडीसीतील एका कंपनीत कोकेन सापडले असून या घटनेची माहिती पोलिसांना मिळाल्यावर काल गुरुवारी पोलिसांनी सापळा रचत छापा टाकला.

ही कारवाई पोलीस आणि अन्न व औषध प्रशासन विभागाच्या अधिकाऱ्यांच्या सहकार्याने सुरू आहे. या प्रकरणी कंपनी मालक अमरसिंह जयवंत देशमुख (रा.नांदगाव), समीर सुधाकर पडवळ (रा.वृंदावन सिटी मलकापूर-कराड) रमेश शंकर पाटील (रा. मल्हारशेठ ता. पाटण) जीवन चंद्रकांत चव्हाण (रा.आवार्डे ता. पाटण), विश्वनाथ शिपणकर ( रा. दौंड जि.पुणे) या संशयीतावर गुन्हा दाखल करण्यात आला आहे. एवढ्या मोठ्या प्रमाणात कोकेन सापडल्याने कराडमध्ये खळबळ उडाली आहे.