बॉलिवूडची क्वीन आणि खासदार कंगना रनौत पुन्हा एकदा चर्चेत आल्या आहेत. त्यांचा एक व्हिडिओ रील सोशल मीडियावर व्हायरल होत आहे. या व्हिडिओवरून त्यांना ट्रोल करण्यात येत आहे. जयपूरमध्ये शूट केलेल्या रीलवरून कंगनांवर ट्रोलधाड पडली आहे.

जयपूरच्या एका हॉटेलात रील शूट केला आहे. मोराला चित्रित करण्यात आलं आहे. या रीलमध्ये कंगना डान्स करताना दिसत आहेत. त्यानंतर झाडावरची कैरी तोडत आहेत. ३५ सेकंदाच्या रीलमध्ये काही स्टिल फोटो वापरले आहेत. बॅकग्राउंडला पाकिस्तानी गाणं वापरलं आहे, असं सांगण्यात येत आहे. हा व्हिडिओ रील कंगना यांनी सोशल मीडिया अकाउंटवर शेअर केला आहे. पाकिस्तानी गाणं वापरल्यामुळं आता त्या ट्रोल होत आहेत.