मुंबईसह महाराष्ट्रात जोरदार पाऊस झाला आहे. या पावसामुळे अनेक भागांत पाणी साचले असून नद्या दुथडी भरून वाहत आहे. कल्याणमध्येही जोरदार पाऊस झाला असून अनेक ठिकाणी पाणी साचले आहे. रायगड जिल्ह्यात जोरदार पावसामुळे उल्हास नदी ओसंडून वाहतेय. उल्हास नदीची पातळी ही १६.१० इतकी आहे तर धोक्याती पातळी ही १६.७० इतकी आहे. सुरक्षेच्या कारणास्तव कल्याण नगर मार्गावर रायता पूल वाहतुकीसाठी बंद ठेवण्यात आला आहे. कल्याणला येण्यासाठी गोवेली टिटवाळा मार्गे प्रवास करावा असे आवाहन पोलिसांनी केले आहे.