संघर्ष गांगुर्डे, कल्याण-डोंबिवली | साम टीव्ही

कल्याण-डोंबिवलीचं महापौरपद अनुसूचित जमातीसाठी आरक्षित झालं आहे. त्यामुळं राजकीय हालचालींना वेग आला आहे. महापौरपदासाठी ३ नावांची चर्चा असून, ते प्रबळ दावेदार म्हणून मानले जातात. यात शिंदे गटाच्या हर्षाली थविल, मनसेच्या शीतल मंढारी आणि शिंदे गटाचे नगरसेवक किरण भांगले हे तीन नवनिर्वाचित नगरसेवक अनुसूचित जमाती प्रवर्गातील असल्यामुळं त्यांच्या नावाची जोरदार चर्चा आहे.

महापौरपदाचं आरक्षण जाहीर झाल्यानंतर आता राजकीय हालचालीही वाढल्या आहेत. शिंदेसेनेनं कल्याण-डोंबिवलीत खबरदारी घेतली आहे. महापौरपदाचे दावेदार असलेले नवनिर्वाचित नगरसेवक कल्याण येथून अज्ञात स्थळी रवाना झाले आहेत. वरिष्ठांकडून फोन आल्याने शिंदे गटाच्या हर्षाली थविल आणि किरण भांगले हे अज्ञातस्थळी रवाना झाल्याची माहिती आहे.