गेल्या अनेक दिवसांपासून पुणे जिल्ह्यात आणि विशेषतः जुन्नर वनक्षेत्रात बिबट्यांनी चांगलाच धुमाकूळ घातलाय. नागरी वस्तीत बिबट्यांच्या हल्लेही वाढले होते. या बिबट्यांना वन विभागानं जेरबंद केलं. अखेर जुन्नर वन विभागाच्या कार्यक्षेत्रात जेरबंद करण्यात आलेले दहा बिबटे जामनगर-गुजरात येथील निवारा केंद्रात पाठवण्यात आले. जगातील सर्वांत मोठे प्राणीसंग्रहालय आणि प्राणी पुनर्वसन केंद्र असलेल्या जामनगरमधील अंबानींच्या ‘वनतारा प्राणीसंग्रहालया’त 4 मादी आणि 6 नर असे एकूण 10 बिबटे स्थलांतरित करण्यात आले आहेत. केंद्रीय प्रणिसंग्रहालय प्राधिकरणानं मान्यता दिल्यानंतर हे बिबटे तीन महाकाय वातानुकूलित अॅंम्ब्युलन्स मधून नेण्यात आले..