पहलगाम हल्ल्यानंतर भारताने चोख प्रत्युत्तर देत पाकव्याप्त काश्मीरमध्ये दहशतवाद्यांचे तळ उद्धस्त केले. यानंतर बिथरलेल्या पाकिस्तानने पुन्हा कुरापाती काढत हल्ले सुरू केले. मात्र भारताने हे सर्व हल्ले हाणून पाडले असून पाकिस्तानच्या राजधानीसह इतर शहरांमध्ये मोठ्या प्रमाणात हल्ले चढवत मोठा दणका दिला आहे. या युद्धाच्या पार्श्वभूमीवर देशातील अनेक संवेदनशील ठिकाणी ब्लॅक आउट करण्यात आला होता. यामध्ये राजस्थानच्या जोधपुर येथे एक विवाह सोहळा सुरू होता. याच दरम्यान सायरन वाजताच लाइट बंद झाले. दरम्यान वधू-वराने ब्लॅक आउटला समर्थन देत अंधारातच सात फेरे मारत आपला विवाह केला. या अनोख्या विवाहाचा व्हिडिओ सध्या सोशल मीडियावर वायरल होत आहे.