शिवनिका संस्थानचे उपाध्यक्ष जितेंद्र शेळकेंच्या अपघात प्रकरणात नवी अपडेट समोर आली आहे. कंटेनर चालकाची कोपरगाव तालुका पोलीस ठाण्यात चौकशी झाली असून यावेळी कंटेनर चालक वारीसनं कालच्या अपघात प्रकरणी पोलिसांना माहिती दिली. हैदराबादवरून अहमदाबादकडे जात असताना कंटेनरच्या रेडिएटरचा पाईप लीक झाल्यानं गाडी गरम झाली होती. त्यामुळे रस्त्याच्या बाजुनं हळूहळू जात असताना मागून कार येऊन धडकली. माझी गाडी थांबलेली नव्हती फक्त वेग कमी होता अशी माहिती कंटेनर चालकानं दिलीय.