आज विधान भवनाच्या परिसरात एक वेगळाच राजकीय रंग पाहायला मिळाला. राष्ट्रवादी काँग्रेसचे आमदार जितेंद्र आव्हाड यांनी भाजप आमदार गोपीचंद पडळकर यांना डिवचण्याचा प्रयत्न केला आहे. विधान भवनाच्या परिसरात जाताच त्यांनी पडळकरांना पाहिलं. नंतर त्यांना डिवचण्याचा प्रयत्न केला. यावेळी त्यांनी 'मंगळसुत्राचा चोराचा...'अशा घोषणा दिल्या आहे. पडळकरांचं नाव न घेता जितेंद्र आव्हाड यांनी डिवचलं. सध्या याचा व्हिडिओ व्हायरल होत आहे.

काही दिवसांपूर्वी भाजपचे आमदार गोपीचंद पडळकर यांनी राष्ट्रवादी काँग्रेसचे सर्वेसर्वा शरद पवार आणि खासदार सुप्रिया सुळे यांचं नाव न घेता पातळी सोडून टीका केली होती. दरम्यान, आज आमदार जितेंद्र आव्हाड यांनी विधान भवनात प्रवेश करताच पडळकरांच्या उपस्थितीत, 'मंगळसूत्र चोराचा.. मंगळसूत्र चोराचा..' अशी घोषणाबाजी केली. त्यामुळे पडळकरांच्या टीकेला आव्हाड यांनी नाव न घेता प्रत्युत्तर दिलं आहे.