पुणे: संपूर्ण राज्यासह पुणे शहरात मोठ्या प्रमाणात पावसाने हजेरी लावली आहे. ऐन उन्हाळाच्या मे महिन्यातच सुरू झालेल्या पावसाने नागरिकांची चांगलीच तारांबळ उडाली आहे. जेजूरी परिसरात सुमारे 217 मिलीमीटर पावसाची नोंद रविवारी सायंकाळ पाच पर्यंत झाली होती.

सोमवारी सकाळच्या सुमारास पावसाने काहीकाळ विश्रांती घेतली होती. मात्र काही वेळातच दुपारी 1 वाजता जोरदार पावसाला सुरुवात झाली. जेजूरी येथील खंडेरावाच्या मंदिराच्या पायऱ्यांवरून धबधब्यासारखे पाणी वाहू लागले यामुळे भविकांची तारांबळ उडाली. तसेच जेजूरी गडावर पिवळे तळ साचल्याचे दिसून आले. जेजूरी गडावर संपूर्ण राज्यातून भाविक हे जात असतात, मात्र यंदा पाऊस हा अचानक इतक्या मोठ्या प्रमाणात वाढेल याची कुणालाही कल्पना नव्हती त्यामुळे भाविकांचे मोठ्या प्रमाणात हाल झाल्याचे दिसून येत आहे.