अनिल देशमुख हे पीएच्या माध्यमातून पैसे घ्यायचे, आणि त्याचे पुरावे सीबीआयकडे आहेत. असे गंभीर आरोप सचिन वाझेंनी अनिल देशमुख यांच्यावर केलेत.दरम्यान त्यासंदर्भात त्यांनी गृहमंत्री देवेंद्र फडणवीसांना पत्र लिहिले आहे. त्या पत्रात जयंत पाटील यांचं देखील नाव आहे. त्यामुळे राजकीय वर्तुळात चर्चांना उधाण आलंय. यावर बोलताना शरद पवार गटाचे प्रदेशाध्यक्ष जयंत पाटील यांनी जोरदार प्रत्युत्तर दिलं आहे. म्हणाले, माझा सचिन वाझेंशी काहीही संबंध नाही, मी त्यांना कधीही भेटलो नाहीये. तसेच तुरुंगातील आरोपींशी गृहमंत्र्यांचे संबंध आहेत. आणि गृहमंत्री देवेंद्र फडणवीस माझे हितचिंतक आहेत, तसं काही असेल तर ते मला कळवतील अशी माध्यमांशी संवाद साधताना जयंत पाटलांनी प्रतिक्रिया दिली आहे.