मराठा आंदोलक मनोज जरांगे पाटील यांची तब्येत खालावली असल्याने त्यांना सलाईन लावण्यात आलेलं आहे. मराठा आरक्षण आणि कुणबी प्रमाणपत्राच्या मुद्द्यावर जरांगे यांनी जालना येथील अंतरवाली सराटीत पुन्हा उपोषण सुरू केलं आहे. मराठा समाजाला ओबीसीमधून आरक्षण मिळावं यासाठी जरांगे आग्रही आहे. आज त्यांच्या उपोषणाचा पाचवा दिवस आहे. काल मध्यरात्री उपोषणाच्या चौथ्या दिवशी त्यांची प्रकृती बिघडल्याने त्यांना डॉक्टरांनी उपोषणस्थळीच सलाईन लावलं आहे. काल आमदार सुरेश धस यांनी देखील मनोज जरांगे यांची उपोषण स्थळी जाऊन भेट घेतली होती. यावेळी त्यांनी जरांगे यांना सलाईनद्वारे उपचार घेण्याची मागणी केली. त्यानंतरच त्यांनी सलाईनने उपचार घ्यायला सुरूवात केली आहे.