जालना जिल्ह्यातील एका शेतकऱ्याने आपल्या कष्टातून भाजीपाला वाचवण्यासाठी एक अनोखी युक्ती केली आहे. दुधना नदीला आलेल्या पुरामुळे शेतात उगवलेल्या भाजीपाला काढणे बाहेर काढणे कठीण झाले होते. मात्र हार न मानता शेतकऱ्याने दोरीच्या सहाय्याने गावठी रोपवे तयार केला. या रोपवेतून भाजीपाला बाहेर काढताना त्याला मोठी कसरत करावी लागली आहे. तरीही आपल्या मेहनतीचा माल वाया जाऊ नये यासाठी शेतकरी झटत आहे. पुरामुळे अनेक शेतकऱ्यांचे पिकांचे नुकसान झाले असताना, जिद्दीच्या बळावर या शेतकऱ्याने आपला भाजीपाला सुरक्षित करण्याचा प्रयत्न सुरू ठेवला आहे. ही धडपड स्थानिकांसाठी प्रेरणादायी ठरत आहे.