जळगावसह राज्यातील एकूण २९ महापालिकांचे निकाल १६ जानेवारी २०२६ रोजी लागतील. दरम्यान खान्देशातील सर्वात मोठ्या जळगाव महापालिकेवर कोणाची सत्ता येणार हे जाणून घेऊ. जळगाव महानगरपालिकेच्या निवडणुकीत एकूण १९ प्रभागांसाठी गुरुवारी मतदान झालं. दरम्यान या महापालिकेच्या निकाल कसा असणार याचा अंदाज एक्झिट पोलमधून वर्तवण्यात आलाय. भाजप, शिंदे सेना आणि राष्ट्रवादी यांनी महायुतीमधून निवडणूक लढवलीय. यात भाजप हा मोठा भाऊ ठरणार आहे. तर शिंदेसेना १९ जागांसह धाकटा भाऊ ठरणार आहे. दरम्यान येथे राज्याचे ग्रामविकास मंत्री गिरीश महाजन यांची प्रतिष्ठा पणाला लागलीय. कारण येथे त्यांचे अत्यंत विश्वासू, स्वीय सहाय्यक व आरोग्यदूत म्हणून ओळखले जाणारे अरविंद देशमुख यांना १५ ब मधून उमेदवारी देण्यात आलीय.