जळगाव : मंत्री गिरीष महाजन यांनी जळगावमधील स्थानिक नगरसेवक आणि भाजपच्या कार्यकर्त्यांची बैठक घेतली. या बैठकीत महाजनांनी भाजप कार्यकर्त्यांना कामाला लागण्याच्या सूचना केल्याचं वृत्त समोर आलं आहे. लोकसभा निवडणुकीच्या अनुशंगाने झालेल्या बैठकीत गिरीष महाजनांनी स्थानिक कार्यकर्ते आणि पदाधिकाऱ्यांना कामाला लागण्याच्या संदर्भाने महत्त्वाचे निर्देश दिलेत. जळगावमध्ये ठाकरे गटाचा उमेदवार जाहीर झाल्यानंतर आता राजकीय वर्तुळात चुरस पाहायला मिळतेय. याच संदर्भातली सविस्तर वृत्त या व्हिडीओतून जाणून घेणार आहोत. ठाकरे गटाने करण पवार यांना उमेदवारी जाहीर केलीय. त्यानंतर आता भाजप उमेदवार बदलणार असल्याची कुजबूज सुरु झाल्याच्या चर्चांना उधाण आलं होतं. मात्र अशी कोणतीही चर्चा सुरु नसल्याचं महाजन यांनी म्हटलंय.