भाजपची काल रात्री उशिरापर्यंत खलबतं सुरु होती, त्यामध्ये लोकसभेच्या निकालासंदर्भात देखील चर्चा झाल्याची माहिती समोर येत आहेत. विधानसभा निवडणूक ही काही महिन्यांवर येऊन ठेपली आहे.त्याच पार्श्वभूमीवर सर्व पक्षांकडून जोरदार मोर्चेबांधणी देखील सुरु केली आहे. मिळालेल्या माहितीनुसार, लोकसभेत आमदारांनी चांगली कामे ज्यांनी केली नाहीत,त्यांची विधानसभेची उमेदवारी धोक्यात येण्याची शक्यता वर्तवली जात आहे. त्याचबरोबर भाजप विधानसभेत 150 जागा लढवणार असल्याची देखील शक्यता वर्तवली जातेय. भाजपनं मिशन विधानसभेसाठी जोरदार तयारी देखील सुरु केली आहे.