इस्रायली गुप्तचर संस्था मोसाद ही जगातील सर्वात धोकादायक आणि अचूकपणे काम करणाऱ्या एजन्सींपैकी एक मानली जाते. तिची कार्यशैली इतकी गुप्त आणि प्रभावी आहे की, अनेकदा तिचे ऑपरेशन पूर्ण होईपर्यंत संबंधित देशांनाही सुगावा लागत नाही. इराणविरोधातील गुप्त मोहिमेतील यश हे त्याचंच उदाहरण आहे. या मोहिमेत सर्वाधिक लक्ष वेधून घेतले ते मोसादच्या लेडी एजंटनं अत्यंत देखण्या, आत्मविश्वासपूर्ण आणि अत्याधुनिक शस्त्रास्त्र हाताळण्याच्या कौशल्यानं तरबेज या महिला एजंटनं इराणच्या अणू कार्यक्रमाशी संबंधित 9 वरिष्ठ शास्त्रज्ञ आणि लष्करी अधिकाऱ्यांना टार्गेट केलं. विशेष म्हणजे हे सर्व खून इतक्या गुप्त पद्धतीने झाले की इराणच्या गुप्तचर यंत्रणेलाही सुरुवातीला काडीमात्र चाहूल लागली नाही.