अण्वस्त्रनिर्मिती रोखण्यासाठी करार करण्याकरिता चर्चेच्या तीन फेऱ्या अपयशी ठरल्यानंतर अमेरिका आणि इस्रायलने शनिवारी जोरदार हल्ले चढविले. दक्षिण मिनाब येथे शाळेला लक्ष करण्यात आले. यामध्ये 85 विद्यार्थिनींचा मृत्यू झाला. इराणचे सर्वोच्च नेते आयातुल्ला अली खामेनेई यांच्या कार्यालायवर ही हल्ला करण्यात आला. या युद्धामध्ये खामेनेई यांचा मृत्यू झाल्याचे वृत्त आहे. त्यामुळे इराणमध्ये 40 दिवसांचा शोक देखील जाहीर करण्यात आला आहे. या भीषण हल्ल्यात 5 मोठ्या नेत्यांचा मृत्यू झाला आहे. इराणचे संरक्षण मंत्री अजीज नसीरजादेह IRGC प्रमुख मोहम्मद पाकपूर, खामेनींचे वरिष्ठ सल्लागार अली शामखानी, वरिष्ठ लष्करी अधिकारी सलाह असदी आणि मोहम्मद शिराझी या प्रमुख लोकांचा इराण आणि इस्राइल- अमेरिका युद्धामध्ये मृत्यू झाला आहे.