इस्रायल आणि इराण युद्ध दिवसेंदिवस भीषण होत चालले आहे. हे दोन्ही देश क्षेपणास्त्र, बॉम्बगोळ्यांच्या माध्यमातून मोठे हल्ले करत आहे. दोन्ही देशातील युद्धांमुळे जागतिक पातळीवर मोठे संकट आले आहे. मिळालेल्या माहितीनुसार इराणनं इस्रायलच्या बेर्शेबा शहरावर बॅलिस्टिक क्षेपणास्त्रानं हल्ला केला. हे क्षेपणास्त्र मायक्रोसॉफ्ट ऑफिसजवळ पडलं. त्यामुळे अनेक गाड्यांना आग लागली. जवळील घरांचंही नुकसान झालंय. यामध्ये 6 जण जखमी झाले. बेरशेवा शहरावर क्षेपणास्त्र हल्ला होण्याचा हा सलग दुसरा दिवस आहे. याआधी गुरुवारीही इराणनं बेरशेवा इथल्या एका रुग्णालयावर क्षेपणास्त्र डागलं होतं. ज्यामध्ये 50हून अधिक लोक जखमी झाले होते.