जगात सध्या सुरू असलेल्या इराण-इस्रायल आणि अमेरिका युद्धामुळे महागाईने उच्चांक गाठला आहे. एकीकडे घरगुती आणि हॉटेल गॅसच्या किंमती वाढल्याने सामन्यांच्या खिशाला मोठी झळ बसलीय. याचमुळे हॉटेल व्यावसायिकांनी हॉटेल बंद ठेवण्याचा निर्णय घेतला आहे. अशातच सोने आणि चांदीच्या दरात देखील मोठी वाढ झाली आहे. सोन्याच्या दरात 721 तर चांदीच्या दरात 10 हजार 300 रुपयांनी वाढ झाली आहे. सोन्याचा आजचा दर GST सह 1 लाख 64 हजार 800 रुपयांपर्यंत पोहोचला असून चांदीचा दर GST सह प्रतिकिलो 2 लाख 84 हजार 589 रुपयांपर्यंत पोहोचला आहे. आखाती देशात सुरू असलेल्या संघर्षामुळे सोने-चांदीच्या दरात 10 दिवसांपासून चढ उतार सुरू आहे.