इराणने बहरीन येथील अमेरिकेच्या '५ व्या आरमारी ताफ्या'च्या मुख्यालयावर भीषण ड्रोन हल्ला केला आहे. इराणच्या 'ऑपरेशन ट्रू प्रॉमिस ४' अंतर्गत झालेल्या या हल्ल्यात ३०० दशलक्ष डॉलर्स म्हणजे सुमारे 2500 कोटी रुपये किमतीची अत्यंत संवेदनशील रडार यंत्रणा उद्ध्वस्त झाली आहे. इराणच्या 'शाहेद' ड्रोनने थेट रडार घुमटाला धडक दिल्याने ही यंत्रणा निकामी झाली. या स्फोटामुळे तळावर भीषण आग लागली असून, या भागातील अमेरिकेची हवाई सुरक्षा यंत्रणा गंभीररीत्या कमकुवत झाली आहे. सुदैवाने, या हल्ल्यात कोणतीही अमेरिकन जीवितहानी झाली नसल्याचे प्राथमिक वृत्त आहे.