दिल्लीहून गोव्याकडे निघालेल्या इंडिगो फ्लाईट 6E 231 या प्रवाशी विमानाच्या इंजिनमध्ये उड्डाणानंतर काही वेळातच तांत्रिक बिघाड झाला. ही बाब लक्षात येताच वैमानिकांनी प्रसंगावधान राखत तातडीने निर्णय घेतला आणि विमानचं मुंबईच्या छत्रपती शिवाजी महाराज आंतरराष्ट्रीय विमानतळावर सुरक्षितपणे आपत्कालीन लॅंडिंग केले.

सुदैवाने, या घटनेत कोणतीही जीवितहानी झाली नाही. विमानातील सर्व प्रवासी सुखरूप असून,त्यांना सुरक्षितपणे आणि काळजीपूर्वक विमानातून बाहेर काढण्यात आलं आहे. या घटनेमुळे विमान प्रवासात संभाव्य धोके आणि तत्काळ प्रतिसादाचं महत्त्व अधोरेखित झालं आहे. एयरलाइनकडून या बिघाडाच्या कारणांची चौकशी सुरू करण्यात आली असून, तांत्रिक पथकाने तपास सुरु केला आहे.