पहलगाम हल्ल्याचा बदला घेत भारतीय लष्कराने एतिहासिक कामगिरी करत अवघ्या 23 मिनिटांत भारतीय सैन्यदलाकडून ऑपरेशन सिंदूर फत्ते करण्यात आले. मात्र या एअर स्ट्राइकवर चीनने हे दुर्दैवी असल्याची प्रतिक्रिया दिली होती.

याच पार्श्वभूमीवर भारताचे राष्ट्रीय सुरक्षा सल्लागार अजित डोवाल आणि चिनी परराष्ट्र मंत्री वांग यांच्यात चर्चा झाली. यावेळी पाकिस्तानकडून अतिरेक झाला तर उत्तर देण्याची आमची तयारी झाली आहे, असे अजित डोवाल यांनी सांगितले. परिस्थिति चिघळावी अशी भारताची इच्छा नाही, पण जर पाकिस्तानने तणाव वाढवला तर आमची निर्णायक उत्तर देण्याची तयारी आहे, असे अजित डोवाल म्हणाले.