भारताने उरी, पठाणकोठ हल्ल्यांचे पुरावे देऊन दहशतवादी गटांवर कारवाई करावी अशी मागणी केली होती. पण पाकिस्तानकडून त्याला कोणताही प्रतिसाद मिळाला नाही, असं परराष्ट्र सचिव विक्रम मिस्री यांनी सांगितलं.

पाकिस्तानबाबतचा अनुभव चांगला नाही. भारताने दिलेल्या पुराव्यांचा वापर पाकिस्तानने दहशतवाद्यांना वाचवण्यासाठी केला. दहशतवाद्यांच्या जनाजात पाक अधिकारी उपस्थित होते, याचा पुरावाच विक्रम मिस्री यांनी पत्रकार परिषदेत दाखवला. यापुढे पाकिस्तानचा दहशतवाद खपवून घेतला जाणार नाही, त्याला जशास तसं उत्तर दिलं जाईल, असा निर्धारही करण्यात आला.