जम्मू काश्मीरमधील पहलगाम येथे झालेल्या दहशतवादी हल्ल्यानंतर भारत सरकारने पाकिस्तान विरुद्ध कायदेशीर स्ट्राइक घ्यायला सुरुवात केली आहे यामुळे पाकिस्तानचे धाबे दणाणले असून पाकिस्तान हा बिथरला आहे. याशिवाय, भारत देशाविरुद्ध भुंकणाऱ्या पाकिस्तानी नेत्यांच्या सोशल मीडिया अकाउंटवर सरकार बंदी घालत आहे. या संदर्भात आज पाकिस्तानचे माजी पंतप्रधान आणि पाकिस्तानचे तहरीक ए इन्सा पीटीआय पक्षाचे प्रमुख इम्रान खान आणि माजी परराष्ट्र मंत्री बिलावल भुट्टो यांचे एक्स अकाउंट ब्लॉक करण्यात आले आहे.

पहलगाम हल्ल्यानंतर भारत आणि पाकिस्तानमधील तणाव हा शिगेला पोहोचला असून भारताने पाकिस्तान विरुद्ध अनेक राजनैतिक आणि धोरणात्मक पावले उचलली आहेत. यामध्ये 1960 चा सिंधू पाणी करार तात्काळ प्रभावाने स्थगित करणे, आटारी बॉर्डर बंड करणे, पाकिस्तानी नागरिकांना हुसकावून लावणे यांचा समावेश आहे. आता भारताने दहशतवाद पोसणाऱ्या पाकिस्तानवर डिजिटल स्ट्राइक लावली आहे.