पहलगाम येथे झालेल्या दहशतवादी हल्ल्यानंतर भारताने ऑपरेशन सिंदूर राबवले, भारताने पाकव्याप्त काश्मीर आणि पाकिस्तानमध्ये केलेल्या एअर स्ट्राइकमध्ये दहशतवाद्यांचे 9 तळ उद्ध्वस्त केले. तसेच या हल्ल्यामध्ये 100 पेक्षा अधिक दहशतवादी यमसदनी पाठवले. भारताच्या ऑपरेशन सिंदूरनंतर भारत आणि पाकिस्तानमध्ये चांगलाच तणाव वाढला होता. पाकिस्तानकडून देखील भारतावर ड्रोन हल्ल्याचा प्रयत्न झाला, मात्र भारतीय सैन्याने हे सर्व ड्रोन हल्ले हाणून पाडले. या हल्ल्यासाठी पाकिस्तानने जे ड्रोन वापरले होते ते तुर्कीचे होते. भारत पाकिस्तान वादात तुर्कीन पाकिस्तानला उघडपणे पाठिंबा दिल्याचे समोर आले होते.

दरम्यान पाकिस्ताननंतर आता भारताने तुर्कीच्या आर्थिक नाड्याअवळण्यास सुरुवात केली आहे. भारताने बायकॉट तुर्की अभियानाला सुरुवात करत अनेक व्यापाऱ्यांनी तुर्कीच्या मालावर बहिष्कार टाकला आहे.

दुसरीकडे तुर्कीला आणखी एक धक्का बसला आहे, तो म्हणजे भारतीय व्यापाऱ्यांसोबतच आता इंडियन फिल्म इंडस्ट्रीकडून देखील मोठा दणका देण्यात आला आहे. आता FWICE ने नेटफ्लीक्स, प्राइम, जीओ हॉटस्टारला पत्र पत्र देऊन तुर्की सिनेमा आणि वेब सिरिज काढून टाकायला सांगितले आहे. पाकिस्तानला पाठिंबा देणे तुर्कीला चांगलेच भोवले आहे.