पहलगाम हल्ल्यानंतर भारत आणि पाकिस्तानमध्ये तणाव वाढला आहे. भारत कधीही पाकिस्तानवर हल्ला करू शकतो, अशी परिस्थिति निर्माण झाली आहे. त्यादृष्टीने भारताच्या तीनही सेना दलांनी तयारीही पूर्ण केली आहे. त्या पार्श्वभूमीवर केंद्रीय गृहमंत्रालयाने सर्व राज्यांना आणि केंद्रशासित प्रदेशांना 7 मे रोजी मॉकड्रिल घेण्याचेआदेश दिले आहेत. आपत्कालीन परिस्थितीला तोंड देण्यासाठी प्रशासन किती सज्ज आहे याची चाचणी हा मॉकड्रिल घेतला जाणार आहे.

मॉकड्रिल दरम्यान उपाययोजना

सायरनद्वारे हवाई हल्ल्याचा इशारा जारी केला जाईल. शत्रूच्या हल्ल्याच्या बाबतीत स्वतःचे संरक्षण करण्यासाठी नागरी संरक्षण पैलूवर सामान्य नागरिक आणि विद्यार्थी इत्यादींना प्रशिक्षण दिले जाईल.