सलग सुट्ट्या, स्वातंत्र्य दिन आणि लॉन्ग वीकेंडचा आनंद लुटण्यासाठी पर्यटक मोठ्या संख्येने घराबाहेर पडले. पण मुंबई-पुणे द्रुतगती महामार्गावर झालेल्या वाहतूक कोंडीत अडकले. महामार्गावर वाहनांची प्रचंड गर्दी झाली. वाहनांच्या लांबच लांब रांगा लागल्या. पुण्याकडील लेनवर वाहतूक संथ गतीने सुरू आहे. तर लोणावळा, खंडाळा, महाबळेश्वर यांसारख्या पर्यटनस्थळांकडे वाढलेल्या पर्यटकांच्या ओढ्यामुळे महामार्गावरील वाहनांची गती मंदावली. घाटमाथ्यावरही वाहनांचा वेग कासवाच्या गतीने सुरू आहे. सलग सुट्ट्यांचा आनंद घेण्यासाठी पर्यटनस्थळांकडे होणारी पर्यटकांची गर्दी स्पष्टपणे जाणवते आहे.