भारत-पाकिस्तान यांच्यातील तणाव वाढत आहे. रात्रीच्या अंधारात पाकिस्तानने भारतावर ड्रोन आणि मिसाईल हल्ला केला. भारतीय लष्कराने हा हल्ला हाणून पाडला. पाकिस्तानच्या ८ मिसाईल्स देखील भारताच्या एस-४०० सुदर्शन चक्र या डिफेन्स सिस्टीमने पाडल्या. पाकिस्तानने केलेल्या हल्ल्याला प्रत्युत्तर म्हणून भारताने लाहोरमध्ये ड्रोन हल्ले केले आहेत. पाकिस्तानने शस्त्रसंधीचे उल्लंघन केल्यानंतर भारताचे सरकार अलर्ट मोडवर आले आहे. पाकिस्तानची ३ लढाऊ विमाने भारताने पाडली आहेत. संरक्षण मंत्री आणि सेनाप्रमुख यांची बैठक सुरु झाली आहे. पंतप्रधान नरेंद्र मोदींची अजित डोवाल यांच्यासोबत चर्चा सुरु आहे. एस जयशंकर यांनी अमेरिकेचे परराष्ट्र मंत्र्यांशी संवाद साधल्याचे समोर आले आहे. पाकिस्तानने केलेल्या भ्याड हल्ल्याने भारत-पाकिस्तान तणाव वाढून युद्धाला सुरुवात होईल असे म्हटले जात आहे.