कोल्हापुरात आज बंद पुकारण्यात आला आहे. हा बंद हिंदुत्ववादी संघटनांनी पुकारला आहे. दरम्यान या बंदमुळे कोल्हापुरात मोठ्या प्रमाणात पोलिसांचा बंदोबस्त तैनात करण्यात आला आहे. बांगलादेशमध्ये झालेल्या हिंदुवरील अत्याचाराच्या विरोधात तसेच रामगिरी महाराजांच्या समर्थनार्थ हा बंद ठेवण्यात आला आहे. नागरिकांनी या बंदला मोठ्या प्रमाणात प्रतिसाद दिल्याचं पाहायला मिळालं.सर्व रस्त्यांवर शुकशुकाट असून, दुकानं देखील बंद आहेत. गेल्या काही दिवसांपासून रामगिरी महाराजांनी जे वादग्रस्त वक्तव्य केलं होतं. त्यावरुन वातावरण चांगलचं तापलं होतं.