ठाकरे गटाचे खासदार संजय राऊत यांनी आज मंत्री संजय शिरसाठ यांचा एक व्हिडिओ व्हायरल केला ज्यामध्ये शिरसाठ हे एका रूममध्ये बसले आहे आणि त्यांच्या हातात सिगारेट आहे. तसेच त्या व्हिडिओमध्ये पैशाची बॅग देखील असल्याने मोठी खळबळ उडाली आहे. यावरच आता संभाजीनरचे माजी खासदार इम्तीयाज जलील यांनी प्रतिक्रिया दिली आहे. ते म्हणाले, मला काही आश्चर्य वाटले नाही. कोट्यवधीची प्रॉपर्टी घेण्यासाठी पैसे कुठून आले, आज मला दिसले की पैसे बेडरूममधून आले हे दिसले. प्रश्न हा आहे की हे पैसे आले कुठून?

पण काहीही होत नाही. सरकार म्हणत असेल की तुम्हीही खा आम्हीही खातो.

घरका भेदी कोण आहे याचा शोध घेण्याचे काम हे शिरसाट आहे तर हा पैसे कुठून आला हे तपासण्याचे काम तपास यंत्रणांचे आहे.

माझ्या तक्रारीची खूप लाईटली दखल घेतली आहे. देवेंद्र फडणवीस यांच्या प्रतिमेवर प्रश्नचिन्ह येऊ लागले आहे. इतके भ्रष्टाचाराचे पुरावे देऊन शांत का बसत आहेत असा प्रश्न लोक विचारत आहेत. आता लोक एकनाथ शिंदे यांना प्रश्न विचारात नाहीत. तर देवेंद्र फडणवीस यांना प्रश्न विचारत आहेत की तुम्ही शांत का?