IMD Issues Heatwave Alert for Mumbai and Konkan: पुढील चार दिवस मुंबईसह कोकणात कडाक्याचे ऊन पडण्याची शक्यता आहे. मुंबई, ठाणे, रायगड, रत्नागिरी आणि सिंधुदुर्ग या जिल्ह्यामध्ये पुढील चार दिवस अति प्रमाणात उष्णतेच्या लाटेचा इशारा देण्यात आला आहे. गरज नसेल तर घराबाहेर पडू नका, अशा इशारा आयएमडीने दिला आहे. नागरिकांनी काळजी घ्यावी असेही आवाहन आयएमडीकडून करण्यात आले आहे.

मुंबई, ठाणे, रायगड, रत्नागिरी, सिंधुदुर्ग या जिल्ह्यांना पुढील चार ते पाच दिवस तीव्र उष्णतेच्या लाटेचा इशारा देण्यात आला आहे. त्यामुळे या जिल्ह्यातील तापमान हे 38 अंशापर्यंत पोहोचण्याची शक्यता आहे. पुण्यामध्येही उष्णतेचा पारा वाढलेला पाहायला मिळत आहे. पुणे, कोल्हापूर, सोलापूरसह मराठवाडा आणि विदर्भातही ऊन्हाचा पारा वाढण्याची शक्यता आहे.