अमरावती जिल्ह्यातील दर्यापूर तालुक्यातील पिंपळोद येथील कृषी विभागाच्या भरारी पथकाने प्रतिबंधित असलेल्या HTBT कपाशीच्या १५०० पाकिटांची जप्ती केली आहे. पिंपळोद येथील प्रशांत रामदास नवलकार यांच्या घरी व त्यांच्या गोडाऊनवर छापा टाकून ही धडक कारवाई करण्यात आली. या कारवाईत उपविभागीय कृषी अधिकारी प्रफुल्ल सातव आणि तालुका कृषी अधिकारी आरती साबळे यांच्या पथकाने सहभाग घेतला होता. या कारवाईत सुमारे १३ लाखांच्या मुद्देमालाचा सापड झाला असून, संबंधित प्रकरणी येवदा पोलिस ठाण्यात गुन्हा दाखल करण्याची प्रक्रिया सुरू आहे. कृषी विभागाच्या या कारवाईमुळे अनधिकृत HTBT कपाशीच्या विक्रीवर मोठा आघात झाला आहे. तसेच सदर घटनेमुळे शेतकऱ्यांमध्ये खळबळ उडाली आहे.