मद्य प्रेमींसाठी मोठी माहिती आता समोर आली आहे. मद्य खरेदी करण्यासाठी ओळखपत्र बंधनकारक करण्यात आलं आहे. याबद्दलचे आदेश सरकारने जारी केले आहेत. २५ वर्षांच्या खालील तरूणांना आता मद्य विकणं देखील बेकायदेशीर ठरणार आहे. दिल्ली सरकारने मद्य विक्री करणाऱ्या हॉटेल्स, क्लब आणि रेस्टॉरंटला २५ वर्षांखालील तरूणांना मद्य विक्री न करण्याचा नियम बंधनकारक असल्याच्या सूचना दिल्या आहे. इतकंच नाही तर ग्राहकांच्या ओळखपत्राची प्रत पाहूनच वयाची पडताळणी करत मद्य विक्री करण्याचे आदेश देखील सरकारने दिले आहेत. त्यामुळे आता २५ वर्षांखालील व्यक्तींना मद्य विक्री करणं बेकायदेशीर ठरणार आहे. मद्य विक्री करणाऱ्या हॉटेल्स, क्लब आणि रेस्टॉरंटला हा नियम बंधनकारक असणार आहे. ग्राहकांच्या ओळखपत्राच्या हार्ड कॉपीच्या पडताळणीचे आदेश सरकारकडून देण्यात आले आहेत. अल्पवयीन तरूणांकडून मद्यपानाच्या तक्रारी वाढल्या असल्याने हा निर्णय घेण्यात आला आहे. नियमांचं उल्लंघन करून अल्पवयीन तरूणांना दारू विक्री केल्यास मद्य विक्रेत्याचा परवाना रद्द होणार आहे.