धाराशिव जिल्ह्यातील तुळजापूर जवळील सोशल मीडीयावर चर्चेत असलेल्या (Hotel Bhagyashree) हॉटेल भाग्यश्रीचे मालक नागेश मडके यांचे अज्ञात इसमांनी अपहरण करून मारहाण केल्याची घटना घडली होती. गुरुवारी सायंकाळी साडेसातच्या सुमारास मडके हे हॉटेलसमोर उभे असताना, एका चारचाकी गाडीतून आलेल्या ४-५ जणांनी सेल्फी घेण्याच्या बहाण्याने त्यांना गाडीत ओढले. गाडीतच त्यांच्यावर जबर मारहाण करून धाराशिवकडे नेत त्यांना जीवघेणा कट रचल्याचा आरोपही त्यांनी केला आहे. हल्लेखोरांनी त्यांना वडगाव सिध्देश्वर येथील पुलावर फेकून दिले. मडके यांनी आपल्या कुटुंबीयांना फोन करून घटनेची माहिती दिली. तत्काळ त्यांना जिल्हा रुग्णालयात दाखल केले. यानंतर हॉटेल भाग्यश्रीचे मालक नागेश मडके यांनी सविस्तर माहिती दिली.