भरत मोहळकर, साम प्रतिनिधी

चीनमध्ये मोठ्या प्रमाणावर संसर्ग झालेल्या HMPV ने भारतातही हातपाय पसरायला सुरुवात केलीय.. कर्नाटक, गुजरात, पश्चिम बंगाल, तामिळनाडूसह महाराष्ट्रात तब्बल 8 चिमुकल्यांना HMPV ची लागण झालीय. आंतरराष्ट्रीय प्रवासाची कुठलीही हिस्ट्री नसताना या चिमुकल्यांना संसर्ग झाल्याने देशाची चिंता वाढलीय.. त्यापार्श्वभुमीवर कोणत्या राज्यात किती रुग्णांना HMPV ची लागण झालीय? पाहूयात.

2020 मध्ये आंतरराष्ट्रीय प्रवास करून आलेल्या केरळच्या रुग्णाला कोरोनाचा संसर्ग झाला होता. त्याच्या माध्यमातून भारतात कोरोनाची एण्ट्री झाली होती. मात्र आता आंतरराष्ट्रीय प्रवास न करताही देशातील 8 चिमुकल्यांना HMPV चा संसर्ग झाल्याने नागरिक भीतीच्या छायेत आहेत. मात्र आंतरराष्ट्रीय प्रवास न करताही चिमुकल्यांना HMPV चा संसर्ग कसा झाला? त्याची माहितीच तज्ज्ञांनी दिलीय.

HMPV हा विषाणू कोरोना इतका घातक नाही. मात्र या विषाणूचा संसर्ग लहान मुलं, वृद्ध आणि कमी प्रतिकार शक्ती असलेल्या व्यक्तीला होतो.. यात योग्य वेळी निदान आणि उपचार न मिळाल्यास हा विषाणू जीवघेणाही ठरू शकतो. त्यामुळेच नागरिकांनी हलगर्जीपणा न करता खबरदारी घ्यायला हवी.