महाराष्ट्रात HMPV विषाणूचा अखेर शिरकाव झाला आहे का? असा प्रश्न आता उपस्थित होत आहे. नागपूरमध्ये HMPV चे दोन संशयित रुग्ण आढळलेले आहेत. ७ आणि १३ वर्षांच्या चिमुकल्यांना HMPV ची लागण झाली असल्याची शंका आहे. खासगी लॅबमध्ये रिपोर्ट पॉझिटिव्ह आलेले आहेत. मात्र या संदर्भात स्पष्ट असा निर्णय समोर आलेला नाही. हे संशयित रुग्ण असल्याचं सांगितलं जातं आहे. त्यामुळे आता HMPV महाराष्ट्रात शिरला आहे का? असा सवाल उपस्थित होत आहे. कारण हे संशयित रुग्ण असले तरी यामुळे चिंता वाढली आहे. काल महाराष्ट्राच्या वेशीवर अनेक रुग्ण सापडले आहेत. त्यानंतर राज्याच्या आरोग्य विभागाने सतर्कता म्हणून मार्गदर्शक सूचना देखील जारी केल्या आहेत. त्यानंतर आता आज थेट राज्यातच नागपूरमध्ये संशयित रुग्ण आढळल्याने चिंता वाढली आहे. खासगी लॅबमधून आलेले हे रिपोर्ट आता शासकीय यंत्रणेकडून तपासले जाणार आहे. त्यानंतर चित्र स्पष्ट होईल असं प्रशासनाकडून सांगण्यात आलं आहे.