चीनमध्ये पुन्हा एकदा कोरोनासारख्या विषाणूचा उद्रेक झालेला आहे. याच पार्श्वभूमीवर राज्य सरकार देखील अलर्ट मोडवर आलं आहे. राज्य सरकारने नागरिकांसाठी मार्गदर्शक सूचना जारी केल्या आहे. कोरोना सारखा हा विषाणू उंबरठ्यावर पोहोचण्याची शक्यता आहे. राज्याच्या आरोग्य विभागाने सर्व रुग्णालयांनासुद्धा या संदर्भातलं पत्र पाठवलं आहे. महाराष्ट्रात आत्तापर्यंत एचएमपीव्हीचा एकही रुग्ण आढळलेला नाही. मात्र नागरिकांनी श्वासनाच्या संसर्गापासून बचाव करावा यासाठी मार्गदर्शक सूचना देखील जारी केल्या आहे.

चीनमध्ये थैमान घालणाऱ्या एचएमपीव्ही विषाणूमुळे आता राज्य सरकार देखील अलर्ट मोडवर आलं आहे. यासाठी मार्गदर्शक सूचना जारी करून काळजी घेण्याचं आवाहन राज्याच्या आरोग्य विभागाकडून नागरिकांना करण्यात आलं आहे. कारण या आजाराचा देखील संसर्ग डोळे, नाक, तोंडानेच होतो. त्यासाठी डोळे, नाक, तोंडाला स्पर्श करणं टाळा. कुणाशी हस्तांदोलन देखील करू नये, सार्वजनिक ठिकाणी थुंकू नये. ताप, शिंका आणि खोकला असेल तर गर्दीच्या ठिकाणी जाणं टाळा. डॉक्टरांच्या सल्ल्याशिवाय औषधं घेऊ नका. अशा मार्गदर्शक सूचना आरोग्य विभागाकडून जारी करण्यात आल्या आहे.