कोरोनापेक्षा महाभयंकर संकट जगाच्या उंबरठ्यावर आहे. आणखी एक घातक व्हायरस आढळून आला आहे. ‘HKU5-CoV-2’ असं या व्हायरसचं नाव आहे. या व्हायरसमुळे कोविडपेक्षा जास्त मृत्यूचं तांडव घडू शकतं, अशी शक्यता वर्तवण्यात आली आहे. सध्या, हा विषाणू वटवाघळांमध्ये आढळून आला आहे. हा विषाणूचा धोका भविष्यात माणसांना अधिक प्रमाणात होऊ शकतो, असं शास्त्रज्ञांनी म्हटलं आहे.

कोविड १९ चा आणखी एक नवा व्हेरियंट चीनमध्ये आढळून आला आहे. त्यामुळं आणखी एका महाभयंकर महामारीचं संकट जगावर कोसळू शकतं, अशी चिंता अमेरिकी शास्त्रज्ञांनी व्यक्त केली आहे. चीनमध्ये वटवाघळांमध्ये हा HKU5-CoV-2 हा व्हायरस आढळून आला आहे. हा विषाणू एमईआरएस कोरोना व्हायरसचाच एक भाग आहे. मात्र, तो मानवजातीसाठी किती धोकादायक आहे, हे अद्याप स्पष्ट झालेले नाही. हा विषाणू जनावरांमधून माणसांमध्ये संक्रमित झाला आहे की नाही याबाबत अद्याप संशोधन करायचा आहे, असंही शास्त्रज्ञांचं म्हणणं आहे.