हिंजवडी फेस थ्री परिसरात काल झालेल्या दमदार पावसामुळे अनेक भागांमध्ये पाणी साचण्याच्या घटना समोर येत आहेत. याच पावसाचा एक थरारक व्हिडिओ समोर आला आहे. मेगापोलीस या उच्चभ्रू सोसायटीत पावसाचा कहर दिसून आला आहे. सोसायटी शेजारी असलेल्या डोंगराळ भागातून आलेल्या पाण्यामुळे संरक्षक भिंतीतून मोठ्या वेगाने पाणी वाहताना दिसत आहे. सोसायटीच्या संरक्षक भिंतीमधून चक्क एखादी पाण्याची मोठी पाईपलाईन फुटल्या सारखा पाण्याचा प्रवाह ओसांडून वाहत होता.

या अनपेक्षित पाण्याच्या प्रवाहामुळे सोसायटीतील रहिवाशांमध्ये भीतीचे वातावरण निर्माण झाले आहे. सुदैवाने या घटनेत कोणतीही जीवितहानी झाली नसली तरी, पावसामुळे शहरातील डोंगर परिसरांतील सुरक्षिततेबाबत प्रश्नचिन्ह निर्माण झालं आहे.