हिंगोली पुन्हा भूकंपाच्या धक्क्याने हादरलं आहे. हिंगोलीतील पांगरा शिंदे गावासह परिसरात सौम्य भूकंपाचा धक्का बसला आहे. दोन महिन्यात चार वेळा भूकंप झाल्याची घटना घडली आहे. याआधी देखील भूंकपाचा मोठा हादरा बसला आहे. हिंगोलीतील पांगरा, बोल्डा,बोल्डावाडीसह परिसराला भूकंपाचे धक्के बसले आहेत प्रशासनाकडून नागरिकांना घाबरून न जाण्याचे आवाहन करण्यात आलं आहे. भूमापक केंद्राकडून या भूकंपाची नोंद घेणे सुरू आहे. वारंवार होणाऱ्या भूकंपामुळे नागरिकांची चिंता वाढली आहे.