हिंगोली : शहराच्या बाजारपेठेत शनिवारी दुपारी घडलेल्या धक्कादायक घटनेत एका तरुणावर चाकू हल्ला झाला. हा प्रकार सीसीटीव्ही कॅमेऱ्यात कैद झाला असून पोलिसांसमोर घटना उघडकीस आली आहे. हल्ला करणाऱ्यांनी कृष्णा जगताप या तरुणावर अचानक हल्ला केला. त्यात कृष्णा गंभीर जखमी झाला असून त्याला तातडीने उपचारासाठी स्थानिक रुग्णालयात दाखल करण्यात आले. हिंगोली पोलिसांनी तातडीने कारवाई करत हल्ला करणाऱ्या दोन तरुणांना ताब्यात घेतले आहे. पोलिस अधीक्षक श्रीकृष्ण कोकाटे यांनी घटनास्थळी भेट देऊन परिस्थितीचा आढावा घेतला. पोलिस या प्रकरणाचा अधिक तपास करत असून, हल्ल्याचे कारण शोधण्याचे काम सुरू आहे.