हिंगोली जिल्ह्यात सलग चौथ्या दिवशी मुसळधार पाऊस सुरु असून औंढा तालुक्यातील, गोळेगाव, अंजनवाडी, बेरोळा, कोंडशी एकबूर्जवाडी या गावांचा थेट संपर्क तुटला आहे. तर गोजेगाव परिसरातील तलाव तुडूंब भरुन वाहू लागला असून पाणि पुलावरुन वाहत असल्यामुळे निम्म्या गावाचा संपर्क मागील ७२ तासांपासून तुटलेला आहे. या परिस्थितीत अनेकांची जनावरे गावाच्या पलीकडेच मुक्कामी ठेवावी लागत आहेत. मुसळधार पावसामुळे गावकऱ्यांना घराच्या बाहेर पडणे अशक्य बनले आहे. नागरिकांना मोठ्या अडचणींचा सामना करावा लागत आहे. या भागातील ग्रामस्थांनी प्रशासनाने तातडीने मदत व बचावकार्य सुरू करावे, अशी जोरदार मागणी केली आहे.