हिंगोलीत अनंत चतुर्दशीचा उत्साह मोठ्या जल्लोषात पाहायला मिळाला. शहरातील प्रसिद्ध चिंतामणी गणपती मंदिरात लाखो महिला भाविकांनी दर्शनासाठी हजेरी लावली. नवसाला पावणारा गणपती म्हणून देशभरात या चिंतामणी बाप्प्याची ख्याती असून, श्रद्धाळूंच्या मनामध्ये विशेष भाव आहे. मंदिर परिसरात भाविकांची मोठी रांग लागली होती. दर्शनासाठी आलेल्या भाविकांना मंदिर समितीच्या वतीने नवसाचा मोदकाचे वाटप करण्यात आले. भक्तीमय वातावरणात गणरायाच्या जयघोषाने संपूर्ण परिसर दुमदुमून गेला होता.