पुणे येथील मुकुंदनगर भागात असलेल्या अनधिकृत दर्गा हटवण्यासाठी हिंदुत्ववादी संघटना आक्रमक झाली आहेत. या संघटनांनी लक्ष्मी नारायण चौकात आज तीव्र आंदोलन केले. आणि हा दर्गा हटवण्यासाठी अल्टीमेटम देखील दिला.

पुण्यातील मुकुंदनगर येथील असलेल्या हजरत दम दम शाह अली बाबाच्या दर्ग्याच्या नावाने झालेले फुटपाथावरील अतिक्रमण काढण्याची मागणी हिंदुत्ववादी संघटनाच्या वतीने अनेक दिवसांपासून होत आहे. या मागणीसाठी सकल हिंदू समाजाच्या वतीने आंदोलन करण्यात आले. भाजप आमदार योगेश टिळेकर यांच्या नेतृत्वात हे आंदोलन करण्यात आले.

दरम्यान दुसरीकडे या दर्ग्याच्या समर्थनात दलित संघटनेकडून आंदोलन करण्यात आले. यावेळी या ठिकाणी तणावाची परिस्थिती निर्माण झाली होती. पोलिसांनी घटनेचे गांभीर्य लक्षात घेत येथील परिस्थिति नियंत्रणात आणली.