Pune Truck Accident : पुण्यात सकाळी सकाळी भीषण अपघात झाला. पुण्याच्या येरवडा भागात भरधाव ट्रक एका दुकानाला जाऊन धडकला. यानंतर मोठा आवाज झाला. दुकानाच्या वर एक घर आहे. या घरालाही ट्रकच्या धडकेनं मोठा हादरा बसला.

पुण्यातील येरवडा भागातील बाबासाहेब आंबेडकर चौकात हा अपघात झाला. भरधाव ट्रक एका दुकानाला जाऊन धडकला. सकाळी साडेअकराच्या सुमारास ही घटना घडली. ट्रक भरधाव वेगानं दुकानाच्या दिशेने आला आणि जोरदार धडक दिली. ही धडक इतकी जोरात लागली की ट्रकच्या काचाही फुटल्या आहेत. तर दुकानाचंही नुकसान झालं आहे. दुकानाच्या वर असलेल्या घरालाही या धडकेनं हादरे बसले. या अपघातानंतर जोराचा आवाज झाला. त्यामुळं काही वेळ घटनास्थळी मोठा गोंधळ झाल्याचे पाहायला मिळाले. घटना घडल्यानंतर तिथं मोठी गर्दी जमली होती. बाजूलाच वर्दळीचा रस्ता आहे. त्या ठिकाणी वाहतूक मंदगतीनं सुरू होती. काही वेळानं घटनास्थळी पोलीस देखील आले.