महाराष्ट्रात अवकाळी पावसाने हजेरी लावली आहे. ठाणे जिल्हातल्या बदलापूर आणि वांगणी भागात जोरदार अवकाळी पाऊस पडला आहे. अचानक आलेल्या पावसामुळे नागरिकांची तारांबळ उडाली आहे. पावसामुळे अनेक ठिकाणी पाणी साचले असून मोठ्या प्रमाणात वाहतूक कोंडी झाली आहे. पावसामुळे काही ठिकाणी लोकलही धीम्या गतीने धावत आहेत. गेल्या अनेक दिवसांपासून उकाड्याने नागरिक हैराण झाले होते. आता या अवकाळी पावसामुळे नागरिकांना दिलासा मिळाला आहे. अनेक ठिकाणी वादळी वाऱ्यासह पाऊस पडला आहे.