मुंबई: सकाळपासूनच पावसाने जोरदार हजेरी लावली आहे. अनेक ठिकाणी पाणी भरण्यास देखील सुरुवात झालीये. शाळेत जाणाऱ्या विद्यार्थ्यांना मात्र त्रास सहन करावा लागत आहे. दादर परिसरात पावसाचा जोर वाढला आहे, परंतु अद्याप वाहतुकीवर परिणाम झाला नाहीये. कालपासून मुंबईसह उपनगरात (Mumbai Rain) जोरदार पाऊस सुरु आहे. या मुसळधार पावसामुळे चाकरमान्यांना देखील याचा त्रास सहन करावा लागत आहे. ठाण्यात देखील पहाटेपासून पावसाची रिपरिप सुरु आहे.