वर्ष अखेरीस राज्यात पावसाचा धुमाकूळ पाहायला मिळणार आहे. जोरदार पावसासह काही ठिकाणी गारपीट होण्याची शक्यता असल्याचा अंदाज हवामान खात्याने वर्तवला आहे. तर मध्य महाराष्ट्र आणि मराठवाड्यात 26 ते 28 डिसेंबर दरम्यान जोरदार पावसाचा अंदाज व्यक्त केला आहे. तसंच 27 डिसेंबरला वादळी वाऱ्यासह जोरदार पाऊस आणि गारपीटीचा इशारा देण्यात आला आहे. सध्या राज्यातील थंडी कमी झाली असून येत्या काही दिवसात तापमानात 2 ते 4 अंश सेलसीयसने वाढ होणार आहे. हवामान विभागाने काही जिल्ह्यांना यलो अलर्ट देखील दिला आहे. विदर्भासह मध्य महाराष्ट्रात हा येलो अलर्ट जारी करण्यात आला आहे. धुळे, नंदुरबार, नाशिक जिल्ह्यात जोरदार पावसाचा इशारा आहे. तर मध्य महाराष्ट्र २६ ते २८ डिसेंबरमध्ये जोरदार पाऊस होण्याची शक्यता आहे. हा अंदाज हवामान विभागाने वर्तवला आहे.