भिवंडी शहर आणि ग्रामीण भागात रात्रीपासूनसुरू असलेल्या मुसळधार पावसामुळे जनजीवन विस्कळीत झालं आहे. शहरातील अनेक सखल भागांत पावसाचे पाणी साचले असून, बाजारपेठेतली अनेक दुकाने जलमय झाली आहेत. विशेषत: भाजी मार्केट, बाजारपेठ, खाडीपार, तीनबत्ती परिसरात पाणीच पाणी साचलेले आहे.

खाडीपार परिसरातील अनेक घरांमध्ये पाणी शिरले असून काही घरं पूर्णत: पाण्यात बुडाल्याची स्थिती निर्माण झाली आहे. कामवारी नदीनं धोक्याची पातळी ओलांडली असून, प्रशासनाकडून नदीकाठच्या नागरिकांना सतर्कतेचा इशारा देण्यात आला आहे. काही ठिकाणी मदत आणि बचाव पथक सज्ज ठेवण्यात आले असून, प्रशासन परिस्थितीवर बारकाईने लक्ष ठेवून आहे.