रत्नागिरी: राज्यातील अनेक भागात पावसाने थैमान घातलं आहे. हवामान खात्याने राज्यातील 11 जिल्ह्यांना पावसाचा ऑरेंज अलर्ट जारी केला आहे. दरम्यान पुणे,रायगड, सिंधुदुर्गात मुसळधार पावसाची देखील शक्यता वर्तवण्यात आली आहे. तसेच अमरावती,सातारा,कोल्हापुरला देखील ऑरेंज अलर्ट देण्यात आला आहे. जून महिन्यात पावसाने पाठ फिरवली होती. परंतु जुलै महिन्याच्या सुरुवातीपासूनच अनेक जिल्ह्यात पावसाचा हाहाकार पाहायला मिळाला. अनेक जिल्ह्यातील धरणक्षेत्रात मोठ्या प्रमाणात पाणीसाठ्यात वाढ झाली आहे.